Малгажата Кідава-Блоньска распачала працу свайго «Грамадзянскага штабу»

Валанцёры, якія працуюць там, будуць адказваць на званкі і размаўляць з гасцямі і заахвочваць галасаваць за прадстаўніка «Грамадзянскай платформы».

Кандыдат у прэзідэнты Малгажата Кідава-Блоньска (M. Kidawa – Błońska)

Foto: PAP/Maciej Kulczyński

У Варшаве кандыдат у прэзідэнты Малгажата Кідава-Блоньска (M. Kidawa – Błońska) адкрыла «Грамадзянскі штаб – валанцёрскі Цэнтр». Кандыдатка ад найбуйнейшай апазіцыйнай партыі Польшчы «Грамадзянская платформа» звярнулася з заклікам да сваіх прыхільнікаў актыўна ўдзельнічаць у выбарчай агітацыі.

«Грамадзянскі штаб» павінен быць месцам сустрэчы з выбарцамі і месцам працы добраахвотнікаў, якія дапамагаюць у правядзенні выбарчай кампаніі. Малгажата Кідава-Блоньска падзякавала прыхільнікам за іх актыўнасць:

-Хачу папрасці ўсіх, у каго Польшча ў сэрцы, каб заангажаваліся ў кампанію. Мы вас чакаем паўсюль. Тут, у Варшаве – сэрца кампаніі, але мы чакаем вас па ўсёй Польшчы, бо разам мы можам змяніць усё. Поспех – гэта калектыўная справа. Запрашаю ўсіх да супрацоўніцтва!

«Грамадзянскі штаб» кандыдаткі Кідавы-Блоньскай павінен быць адкрытым для ўсіх ахвочых. Валанцёры, якія працуюць там, будуць адказваць на званкі і размаўляць з гасцямі і заахвочваць галасаваць за прадстаўніка «Грамадзянскай платформы».

Нагадаем першы тур прэзідэнцкіх выбараў у Польшчы адбудзецца 10 траўня.

IAR/эж