Дзевяць памежнікаў на польска-беларускім памежным пераходзе ў Кузніцы (Падляскае ваяводства) інфікаваныя каранавірусам Sars-Cov-2. Яны тэрмінова пераведзены на ізаляцыю. У памежнікаў не назіраецца сур'ёзных сімптомаў захворвання і яны хутка здаравеюць.
Яшчэ 35 супрацоўнікаў памежнага пераходу ў Кузніцы знаходзяцца на каранціне, праводзіцца праверка. Сярод калектыву было праведзена больш за 30 тэстаў на карfнавірус, іх вынікі пакуль невядомыя.
Пераход у Кузніцы, нягледзячы на ўспышку эпідэміі сярод памежнікаў, функцыянуе нармальна. Інструктаж праводзіцца планава, ніякіх перашкод няма. Ужо даўно памежнікі працуюць у зменнай сістэме. Іх праца арганізавана такім чынам, каб вартавыя не перасякаліся адзін з адным.
PAP/эж