Мэр Варшавы нядаўні кандыдат апазіцыйнай «Грамадзянскай кааліцыі» на пасаду прэзідэнта Польшчы Рафал Тшаскоўскі не возьме ўдзелу ў Нацыянальным сходзе, які скліканы з нагоды інагурацыі Анджэя Дуды. Інагурацыя адбудзецца ў чацвер, 6 жніўня.
«Мяне, на жаль, не будзе ў Варшаве», – заявіў сталічны граданачальнік.
Аднак інагурацыю не праігнаруюць іншыя праціўнікі цяперашняга кіраўніка дзяржавы: лідар «Вясны» еўрадэпутат Роберт Бедрань, старшыня Сялянскай партыі Уладзіслаў Касіняк-Камыш і дэпутат «Канфедэрацыі» Кшыштаф Босак.
У чацвер, 6 жніўня, завершыцца першы тэрмін Анджэя Дуды, і менавіта ў гэты дзень адбудзецца цырымонія яго прывядзення да прысягі на другі пяцігадовы тэрмін на пасадзе Прэзідэнта Рэспублікі Польшча.
Ва ўрачыстасцях не возьмуць удзел былыя прэзідэнты Лех Валэнса і Браніслаў Камароўскі. З былых прэзідэнтаў у парламенце з'явіцца толькі Аляксандр Квасьнеўскі. Інагурацыю таксама праігнаруюць колішні прэм’ер Лешак Мілер і міністр замежных спраў Радаслаў Сікорскі.
У сувязі з эпідэміяй каранавіруса пасяджэнне Нацыянальнага сходу адбудзецца пры выкананні захадаў эпідэміялагічнай бяспекі. Прысутныя абавязкова павінны быць у масках і пальчатках.
IAR/PAP/эж