Прэм'ер-міністр Польшчы ў інтэрв'ю вядомаму беларускаму незалежнаму блогеру Сцяпану Пуцілу (у інтэрнэце вядомы як Nexta), выказаў меркаванне, што ініцыяваныя ў Беларусі змены будуць працягвацца.
Матэвуш Маравецкі гаварыў пра імкненне беларусаў да поўнай свабоды.
- Я перакананы, што пераменаў, якія пачаліся ў Беларусі нельга ўжо спыніць. Імкненне да свабоды і дэмакратыі, да таго, каб быць часткай буйной сям’і свабодных нацыяў будзе толькі расці і будзе цягнуць беларускі народ да канчатковай перамогі.
Гаворачы пра сітуацыю ў Беларусі кіраўнік польскага ўраду згадаў пра падзенне камунізму ў Польшчы і дадаў, што сітуацыя ў 1980-я гады была яшчэ „больш безнадзейнай”.
Нагадваем, польскі ўрад прыняў пакет дапамогі „Салідарныя з Беларуссю”, які прадугледжвае дапамогу пацярпелым у выніку рэпрэсіяў, падтрымку моладзі, студэнтаў і маладых навукоўцаў, няўрадавых арганізацыяў, грамадзянскай супольнасці, незалежных СМІ і журналістаў, а таксама польскай меншасці ў Беларусі.
Для пацярпелых у выніку рэпрэсіяў будуць уведзеныя палягчэнні ў перасячэнні польска-беларускай мяжы.
Размова з прэм’ерам Маравецкім была размешчана таксама ў профілі кіраўніка польскага ўрада ў Фейсбуку.
аз