«Салідарныя з Беларуссю» – пад такім лозунгам на сцэне на Нацыянальным стадыёне ў Варшаве выступаюць сёння, 26 верасня, зоркі польскай папулярнай музыкі. Канцэрт распачаўся ў 20 гадзін польскага часу.
Сярод выканаўцаў – Ігар Хербут. Спявак падкрэслівае, што ідэя канцэрта – прадэманстраваць яднанне і падтрымку беларусам:
-Музыка -гэта мова надзеі, самая прыгожая мова ў свеце, яна пераадольвае падзелы, яна перасякае межы. У гэты вечар тысячы вачэй глядзяць на гэты стадыён, я б хацеў, каб усе адчулі веру ў тое, што ніхто не самотны.
Падчас канцэрту на сцэне Нацыянальнага стадыёна ў Варшаве выступяць славутыя польскія выканаўцы і гурты. Уваход на канцэрт вольны, але ўсе квіткі за доўга да пачатку імпрэзы былі разабраныя.
У гэты час у польскай сталіцы над Нацыянальным стадыёнам лунае беларускі бел-чырвона-белы сцяг.
IAR/эж