Сітуацыя ў Беларусі зблізіла краіны Балтыі і Вышаградскай групы, заявіў у эфіры Першай праграмы грамадскага Польскага радыё міністр замежных спраў Польшчы Збігнеў Рау(Zbigniew Rau).
Кіраўнік польскай дыпламатыі падкрэсліў ролю супрацоўніцтва паміж краінамі рэгіёна. Ён таксама падкрэсліў, што ў польскіх інтарэсах падтрымліваць грамадзянскую супольнасць, якая фарміруецца ў Беларусі.
Збігнеў Рау ацаніў, што голас Польшчы адносна Беларусі вельмі важны на арэне ЕС.
- У Еўрапейскім Саюзе існуе практыка даваць голас тым, якія найбольш зацікаўленыя ў вырашэнні дадзенай праблемы. У гэтым выпадку, усе ў ЕС глядзяць на Польшчу і Літву.
Кіраўнік Міністэрства замежных спраў заявіў, што дэмакратызацыя Беларусі гарантуе стабільнасць і гарманічнае развіццё гэтай краіны ў даўжэйшай перспектыве. Аднак ён падкрэсліў, што „гэта трэба пакінуць беларусам”, якія добра ведаюць, чаго яны хочуць.
аз