Дзяржсакратар у Канцылярыі прэзідэнта Польшчы Анджэй Дэра(Andrzej Dera) заявіў, што ў прэзідэнта Анджэя Дуды пакуль каранавірусная інфекцыя працякае бессімптомна.
У сваю чаргу сімптомы COVID-19 паявіліся ў прэс-сакратара прэзідэнта Блажэя Спыхальскага(Błażej Spychalski).
Анджэй Дэра падкрэсліў, што прэзідэнт Анджэй Дуда заразіўся, нягледзячы на захаванне санітарных абмежаванняў:
- Хутчэй за ўсё прэзідэнт заразіўся ад членаў сваёй аховы. Нагадваю, аўтамабіль, гэта месца, дзе чалавек прабывае даўжэйшы час і ў непасрэднай блізкасці ад іншых асобаў. У гэткіх сітуацыях заўсёды існуе рызыка заражэння.
У суботу раніцай стала вядома, што ў прэзідэнта Анджэя Дуды быў пацверджаны дыягназ COVID-19. Сам прэзідэнт супакойваў, што адчувае сябе добра і ў яго няма сімптомаў хваробы.
Кіраўнік польскай дзяржавы дадаў, што разам з першай лэдзі бліжэйшыя дні правядзе ў ізаляцыі.
аз