У Львове заслужаныя прадстаўнікі польскай супольнасці і рыма-каталіцкага духавенства ва Украіне атрымалі польскія дзяржаўныя ўзнагароды – Афіцэрскі крыж ордэна «За заслугі Рэспублікі Польшча», Рыцарскі крыж ордэна «За заслугі Рэспублікі Польшча» і Залаты крыж Заслугі Рэспублікі Польшча.
Цырымонія адбылася ў будынку Генеральнага консульства Рэспублікі Польшча ў Львове.
Ад імя Прэзідэнта РП Анджэя Дуды ордэны ўручыў дзяржсакратар у Канцылярыі Прэзідэнта Адам Квяткоўскі ў суправаджэнні пасла Польшчы ва Украіне Барташа Ціхоцкага і генеральнага консула ў Львове Элізы Дзвонкевіч.
Высокімі ўзнагародамі былі ўзнагароджаны васямнаццаць чалавек, у т.л. за выдатныя заслугі перад польскай супольнасцю ва Украіне, за папулярызацыю польскай культуры, адукацыі і нацыянальных традыцый.
Ад імя ўзнагароджаных падзякаваў ксёндз Юзаф Паўлічак.
«Для нас гэта вялікая радасць, што вы памятаеце пра касцёл і палякаў тут, ва Украіне. Мы атрымліваем не толькі медалі, а таксама канкрэтную разнастайную дапамогу ад Польшчы», – сказаў генеральны вікарый Львоўскай архідыяцэзіі.
Таксама былі ўручаны значкі «Заслужаны для польскай культуры» і медалі «Ахоўнік месцаў нацыянальнай памяці» ад Міністрам культуры і нацыянальнай спадчыны.
яс