Да 25 гадоў пазбаўлення волі будзе пагражаць экалагічным злачынцам, дзеянні якіх прывялі да пагрозы здароўю альбо смерці грамадзян – гэта адна з некалькіх прапаноў па зменах, прадстаўленых Міністэрствам клімату.
Польскі міністр па справах клімату Міхал Куртыка паведаміў, што падрыхтаваныя прапановы па сістэмных зменах. Яны датычацца як Крымінальнага кодэкса, так і Кодэкса адміністрацыйных правапарушэнняў:
-Іх мэта – павысіць камфорт нашага супольнага жыцця, нашага ўзаемадзеяння з прыродай. Гэтыя змены будуць прадстаўленыя ў выглядзе праекту. Мы кансультаваліся з галоўным інспектарам па ахове навакольнага асяроддзі і Мінюстам. Мы хочам супрацьстаяць экалагічным злачынствам у нашай краіне.
Змены, прапанаваныя міністэрствам, таксама прадугледжваюць увядзенне выплаты кампенсацый экалагічнымі злачынцамі – ад 10 тысяч да 10 мільёнаў злотых. Таксама будуць павышаныя штрафныя санкцыі за засмечванне лясоў – ад 500 да 5000 злотых.
ав