Польшчу «накрывае» трэцяя хваля эпідэміі каранавіруса

Намеснік міністра аховы здароўя Вальдэмар Краска лічыць, што ў Польшчы назіраецца ўстойлівая тэндэнцыя росту колькасці новых выпадкаў хваробы.

Ілюстрацыя

PAP/EPA/Rodrigo Sura

Міністэрства аховы здароўя Польшчы паведаміла аб 15250 новых выпадках заражэння каранавірусам Sars-Cov-2. За апошнія суткі ад гэтай хваробы памерлі 289 пацыентаў. Найбольшая колькасць новых заражэнняў – больш за 2,5 тысячы – зафіксавана ў цэнтральным Мазавецкім ваяводстве. Намеснік міністра аховы здароўя Вальдэмар Краска лічыць, што ў Польшчы назіраецца ўстойлівая тэндэнцыя росту колькасці новых выпадкаў хваробы:

-Калі параўноўваць тыдзень да тыдня, мы бачым прырост 3 тысячы новых выпадкаў. Трэцяя хваля эпідэміі набірае моц. Штораз больш пацыентаў з каранавірусам трапляе ў лякарні, за мінулыя суткі маем 400 такіх выпадкаў. Па ўсёй Польшчы ў лякарнях налічваецца больш за 16 тысяч «ковідных» пацыентаў.

Станам на 4 сакавіка, у Польшчы агулам было пацверджана больш за 1 млн 750 тысячы выпадкаў заражэння каранавірусам. Больш за 44,5 тысяч жыхароў Польшчы памерлі ў выніку гэтай хваробы.

iar/эж