Польшча атрымала першую партыю вакцыны Johnson & Johnson

Вакцына амерыканскай кампаніі - адзіная, якой дастаткова толькі адной дозы. 

Zdj ilustracyjne

shutterstock.com/vovidzha

Першая партыя вакцыны Johnson & Johnson дастаўлена ў Польшчу. Гэта 120 тыс дозаў прэпарата. Вакцына амерыканскай кампаніі - адзіная, якой дастаткова толькі адной дозы. Іншыя прышчэпкі неабходна калоць два разы.

Урад абвясціў, што прэпарат у адной дозе будзе выкарыстоўвацца ў першую чаргу ў дачыненні людзей, якія не могуць самастойна дабрацца да месца вакцынацыі.

Еўрапейскі саюз зрабіў заказ на 200 мільёнаў доз, пакідаючы магчымасць заказаць другую партыю такога ж тыпу. Прэзідэнт Еўрапейскай камісіі Урсула фон дэр Ляен заявіла, што краіны ЕС павінны атрымаць каля 55 мільёнаў доз прэпарата ў другім квартале.

Паводле звестак Міністэрства аховы здароўя, да ўчорашняга дня ў Польшчы было зроблена 7 784 384 прышчэпкі: 5670769 – першай і 2113615 – другой дозай. На думку экспертаў, ад 40 да 70 адсоткаў палякаў павінны быць прышчэплены для таго, каб дасягнуць імунітэту насельніцтва і пакласці канец эпідэміі.

У цяперашні час вакцынацыю праходзяць людзі ва ўзросце 40-59 гадоў.

ІАР ПР/нг