Прэзідэнт Польшчы Анджэй Дуда на святкаванні 30-годдзя Варшаўскай фондавай біржы падкрэсліў, што гэта самая вялікая такая ўстанова ў рэгіёне. Першая сесія на Варшаўскай фондавай біржы адбылася 16 красавіка 1991 года. Інвестары тады мелі выбар сярод акцый пяці кампаній.
У сваім святочным выступленні Анджэй Дуда звярнуў увагу на значную ролю рынку капіталу для польская эканомікі:
-Рынак капіталаў, вялікіх фірмаў стаў часткай нашай гаспадаркі, важнай часткай квітнення. Так, менавіта квітнення, бо мы дасягнулі гэтага стану за апошнія 30 гадоў. За гэты час Польшча непазнавальна змянілася, не кожны, жывучы тут, гэта заўважае. Гэта як з дзецьмі, толькі калі доўга не бачым малога, можна прыкмеціць як моцна ён змяніўся і таксама з Польшчай.
Цікава, што цяперака Варшаўская фондавая біржа месціцца ў колішнім цэнтры палітычнага жыцця ПНР, планавай эканомікі – у былым будынку ЦК ПАРП, у цэнтры польскай сталіцы.
iar/эж