Сейм заклікаў накласці санкцыі на функцыянераў рэжыму Лукашэнкі, адказных за пераслед палякаў

«Любы, хто ўдзельнічае ў гэтай абсалютна непрымальнай працэдуры парушэння правоў нацыянальных меншасцяў, будзе заўважаны, ідэнтыфікаваны польскай дзяржавай».

Zdj. ilustracyjne

twitter.com/Sejm RP

Камісіі Сейму Польшчы па замежных справах і сувязях з суайчыннікамі за мяжой прынялі на падставе аднадушнага адабрэння заяву, у якой заклікаюць прыняць санкцыі супраць «функцыянераў беларускай улады, якія спрыяюць рэпрэсіям, накіраваным супраць палякаў, якія пражываюць у Беларусі». Дэпутаты таксама заслухалі інфармацыю ўрада аб становішчы польскай меншасці ў Беларусі.

Намеснік міністра замежных спраў Польшчы Марцін Пшыдач заявіў, што сітуацыя ў Беларусі развіваецца вельмі дынамічная. Палітык дадаў, што са жніўня назірацца «актывізацыя дзеянняў беларускіх уладаў, якія абмяжоўваюць усе віды свабодаў у краіне ў сувязі з пратэстамі пасля фальсіфікаваных – па перакананні міжнароднай супольнасці – выбараў». Цяпер пад вартай знаходзіцца пяць польскіх актывістаў, сярод іх старшыня Саюзу палякаў Анжэліка Борыс і журналіст Анджэй Пачобут. Намеснік міністра таксама паведаміў, што цяжкасці адчуваюць і прадстаўнікі консульскай службы Польшчы.

Кіраўнік Камісіі Сейму па сувязях з палякамі за мяжой Роберт Тышкевіч заклікаў урад даць ясны сігнал аб тым, што «любы, хто ўдзельнічае ў гэтай абсалютна непрымальнай працэдуры парушэння правоў нацыянальных меншасцяў, будзе заўважаны, ідэнтыфікаваны польскай дзяржавай».

iar/эж