Міністэрства аховы здароўя Польшчы паведаміла пра 241 заражэнне каранавіруснай інфекцыяй за апошнія суткі. 62 асобы загінулі.
Гэта яшчэ не канец эпідэміі, пакуль што можна казаць толькі пра яе часовае згасанне, – адзначае доктар Марэк Пасабкевіч, былы Галоўны санітарны інспектар.
- Пра канец эпідэміі мы б казалі тады, калі б было вядома, што ў будучым не будзе ўжо вялікіх пікаў лічбы захворванняў і смерцяў. На жаль, да тае пары, пакуль большая частка грамадства не мае ўстойлівасці да хваробы, можна спадзявацца, што ў спрыяльны перыяд, гэта значыць, восенню, зімой і вясной, зноў паявяцца хвалі захворванняў і смерцяў.
У рамках вакцынацыі ў Польшчы пастаўлена ўжо звыш 25 мільёнаў уколаў супраць каранавіруснай інфекцыі. З пачатку эпідэміі ў Польшчы было пацверджана 2 878 061 заражэнне каранавірусам. Усяго загінула 74 688 хворых.
/нг