Польшча прадставіць інфармацыю краінам ЕС і Еўракамісіі пра апошнія кібератакі на электронныя скрыні польскіх высокапастаўленых дзяржаўных чыноўнікаў. Пра гэта стала вядома карэспандэнтцы Польскага радыё ў Бруселі Бэаце Пламэцкай.
Першыя паведамленні пра кібератакі ўжо перададзены інстытутам ЕС, і сёння яны чакаюць дакументаў па гэтым пытанні. Адзін з дыпламатаў ЕС заявіў брусельскаму карэспандэнту Польскага радыё, што гэтае пытанне будзе адной з тэмаў сустрэчы міністраў замежных спраў 27 краін у Люксембургу ў панядзелак.
Бэата Пламэцка/нг