Каталіцкая дабрачынная арганізацыя Caritas Polska гатовая дапамагчы бежанцам на польска-беларускай мяжы. Дырэктар арганізацыі айцец Марцін Іжыцкі(Marcin Iżycki) сказаў на канферэнцыі, прысвечанай Еўрапейскаму дню бежанцаў, што Caritas можа ў любы час прыняць удзел у гуманітарных дзеяннях на ўсходзе Польшчы. Арганізацыя можа ахвяраваць коўдры, цёплае адзенне і ежу ў любы час, падкрэсліў святар:
- Мы спрабавалі атрымаць згоду на гэткія дзеянні, але зараз гэта немагчымае. Мы павінны дзейнічаць у рамках заканадаўства. Мы кантактуем з адпаведнымі дзяржаўнымі органамі.
Арганізацыя Caritas Polska таксама спрабавала аказваць дапамогу бежанцам праз беларускую арганізацыю – на жаль, і на гэта згоды не атрымала.
Ксёндз Марцін Іжыцкі нагадаў, што цяпер мы маем справу з сур'ёзным міграцыйным крызісам у Афганістане. Сотні людзей, якія ўцякаюць з гэтай краіны, маюць патрэбу ў дапамозе з боку Еўропы.
У бліжэйшую нядзелю будзе адзначацца Еўрапейскі дзень бежанцаў. У гэты дзень няўрадавыя арганізацыі арганізуюць шэраг мерапрыемстваў, падчас якіх абмяркуюць складаную тэму мігрантаў і спосабы аказання ім дапамогі асобнымі краінамі.
IAR/аз