Міністр аховы здароўя Адам Нядзельскі адзначыў, што цяпер пацыенты з Covid-19 адчуваюць больш хуткае і рэзкае пагаршэнне здароўя, чым у папярэднія хвалі пандэміі. Па словах Нядзельскага, аб гэтым паведамляюць дактары, якія лечаць хворых.
«Клінічная карціна сведчыць аб тым, што ў папярэдняй хвалі быў перыяд прыкладна двух тыдняў ад заражэння да піку хваробы, гэта значыць, калі пацыента неабходна было падключыць да апаратуры штучнай вентыляцыя лёгкіх. На дадзены момант клініцысты кажуць, што гэта тыдзень», – сказаў Адам Нядзельскі.
Міністр аховы здароўя заклікаў не ігнараваць першыя сімптомы інфекцыі Covid-19 і не чакаць да апошняга моманту, каб выклікаць хуткую дапамогу.
Лекары адзначаюць, што звыш 99% пацыентаў з цяжкай формай захворвання – гэта асобы, якія не прайшлі поўнага цыклу вакцынацыі. Міністэрства аховы здароўя заклікае невакцынаваных карыстацца даступнымі і бясплатнымі прышчэпкамі.
У Польшчы за апошнія суткі было зафіксавана 2 тысячы 85 новых выпадкаў каранавіруснай інфекцыі. Памерлі 33 хворыя. За мінулыя суткі выздаравеў 491 чалавек.
нг