У Кракаве пачынаецца Міжнародны кніжны кірмаш. З сённяшняга дня да нядзелі ў выставачным цэнтры EXPO Kraków свае новыя публікацыі прадставіць больш за дзвесце выдавецтваў, а чытачы атрымаюць магчымасць сустрэцца са сваімі любімымі аўтарамі.
Гэта адна з найбуйнейшых сустрэч чытачоў, пісьменнікаў і прадстаўнікоў выдавецкай галіны ў Еўропе пасля перапынку, выкліканага пандэміяй каранавіруса, нагадала старшыня кірмашу Гражына Грабоўска(Grażyna Grabowska):
- Мы чакалі на гэта два гады. Я ведаю, што з нецярпеннем чакалі таксама выдаўцы, якія тэлефанавалі нам, дапытваліся. Выдатна, што мы можам сустрэцца, пабачыцца. Падобным чынам да мерапрыемства ставяцца наведвальнікі. Яны таксама цешацца.
«Чалавек жыве пераменамі» – гэта цытата з кнігі Станіслава Лема, якая з’яўляецца лозунгам сёлетняй міжнароднай кніжнай выставы ў Кракаве. Два гады таму выставу ў Кракаве наведала амаль 70 тысяч чалавек. Кніжны кірмаш пачаўся сёння апоўдні і будзе працягнуцца да бліжэйшай нядзелі.
IAR/аз