Еўрапейскі савет не пагаджаецца на ніякія спробы трэціх краін інструментальна выкарыстоўваць мігрантаў з мэтай аказання ціску на мяжу Еўрасаюза, падкрэсліў прэм'ер Польшчы пасля заканчэння саміту ЕС у Бруселі.
Матэвуш Маравецкі выказаў задавальненне тым, што пазіцыю Польшчы па прадухіленні нелегальнай міграцыі і бескантрольнага перамяшчэння бежанцаў падзяляе ўсё больш краін Еўрапейскага Саюза.
Кіраўнік польскага ўрада падкрэсліў, што Еўрапейскі савет адназначна станоўча ўспрымае польскія дзеянні на мяжы з Беларуссю, якая таксама зʼяўляецца ўсходняй мяжой супольнасці:
- Мы атрымалі безумоўную і поўную падтрымку. Я распавёў пра ўсё дэталёва, прадстаўляючы таксама рызыкі, звязаныя з міграцыйным ціскам на мяжы, які штучна выклікаў рэжым Лукашэнкі пры безумоўнай падтрымцы з боку Масквы і прэзідэнта Пуціна. Тут ніхто не сумняваўся ў тым, хто з’яўляецца сапраўдным ініцыятарам спробы дэстабілізацыі сітуацыі на ўсходняй мяжы Польшчы.
Кіраўнік польскага ўрада дадаў, што па гэтай справе з польскай пазіцыяй супадаюць пазіцыі Латвіі і Літвы.
IAR/аз