Кіраўнік Міністэрства нацыянальнай абароны Марыюш Блашчак паведаміў, што Польшча падпісала з ЗША кантракт на пастаўку 300 ужываных Кугуараў. «Кугуар» – гэта цяжкая амерыканская бронемашына класа MRAP (Mine-Resistant Ambush Protected).
Міністр паведаміў у сацсетках, што машыны разам з матэрыяльна-тэхнічным і навучальным пакетам паступяць у польскую армію ў першым квартале 2022 года і ўзмоцняць, між іншым, патэнцыял падраздзяленняў, размешчаных ва ўсходняй частцы краіны.
MRAP – гэта тып ваеннай бронетэхнікі з падвышанай устойлівасцю да мін. Згаданыя аўтамабілі вядомыя польскім жаўнерам з місіі ў Афганістане.
PAP/аз