У панядзелак, 16 мая, міністры сельскай гаспадаркі Польшчы і Украіны падпісалі дамову аб садзейнічанні экспарту ўкраінскага збожжа праз тэрыторыю Польшчы.
У Варшаве Генрык Кавальчык і Мікалай Сольскі сустрэліся з міністрам сельскай гаспадаркі ЗША Томам Вілсакам і камісарам Еўрасаюза па сельскай гаспадарцы Янушам Вайцяхоўскім.
Палітыкі абмеркавалі праблемы з экспартам збожжа з Украіны і транспартныя маршруты, якія маглі б стаць альтэрнатывай заблакаваным расійскімі захопнікамі чарнаморскім партам.
Віцэ-прэм’ер, міністр сельскай гаспадаркі і развіцця сяла Польшчы Генрык Кавальчык паведаміў пасля сустрэчы, што галоўнай тэмай абмеркавання быў негатыўны ўплыў расійскага ўварвання ва Украіну на сельскагаспадарчую вытворчасць, асабліва на экспарт збожжа.
У сваю чаргу камісар ЕС па сельскай гаспадарцы Януш Вайцяхоўскі адзначыў, што адсутнасць паставак збожжа з Украіны створыць сур'ёзныя праблемы з харчаваннем, асабліва ў краінах Блізкага Усходу і Паўночнай Афрыкі.
вс