23 замежнікі спрабавалі ў аўторак нелегальна трапіць у Польшчу праз мяжу з Беларуссю. Сярод іх былі грамадзяне Маўрыкія, Малі і Бангладэша, паведамляюць прадстаўнікі Памежнай службы Польшчы.
Найбольшая група іншаземцаў (адзінаццаць чалавек), спрабавала перасячы мяжу ля вёскі Чарэмха. Паводле дадзеных памежнай службы, з пачатку траўня былі зафіксаваныя больш за 600 спробаў нелегальнага перасячэння мяжы з Беларусі. З пачатку года – больш за 5 тысяч.
Да 30 чэрвеня дзейнічае часовая забарона на знаходжанне ў 183 памежных з Беларуссю мястэчках Падляшскага і Люблінскага ваяводстваў. З 2 верасня па 30 лістапада 2021 года на згаданай тэрыторыі дзейнічала надзвычайнае становішча.
Такая мера была ўведзеная ў сувязі з ростам колькасці спробаў незаконнага перасячэння польскай мяжы.
PAP/аз