Прэм'ер-міністр Польшчы Матэвуш Маравецкі заявіў, што першым акордам вайны, якая працягваецца ва Украіне, стаў напад рэжыму Лукашэнкі на польскую мяжу з Беларуссю.
Матэвуш Маравецкі заявіў, што напад заключаўся ў праверцы ўсходняй мяжы Еўрасаюза Лукашэнкам і, як сказаў прэм'ер, яго кіраўніком Уладзімірам Пуціным.
- Гэта палягала на прывозе ды заахвочванні прыязджаць на тэрыторыю Беларусі мігрантаў з Блізкага Усходу, у большасці мусульман. Потым гэтых мігрантаў беларускія памежнікі выштурхоўвалі на тэрыторыю Польшчы. Ужо тады наша Памежная ахова, нашы жаўнеры ды паліцыя абаранілі нашу мяжу, а пазней сітуацыя развілася яшчэ больш трагічна.
Агароджа на мяжы з Беларуссю складае амаль 170 кіламетраў. Работы па ўзвядзенні сталёвага плоту завяршаюцца, але ў пагранведамстве падкрэсліваюць, што цалкам агароджа вышынёй 5,5 метра будзе завершана пасля ўстаноўкі электронных сістэм аховы і маніторынгу мяжы. Кошт будаўніцтва агароджы складае 1,5 мільярда злотых.
ПР/юл