Прэзідэнт Анджэй Дуда напісаў ліст з адмысловым пасланнем да ўдзельнікаў і арганізатараў маючага адбыцца свята ўраджаю. У лісце ён падзякаваў польскім фермерам за працу па забеспячэнні харчовай бяспекі.
«Хачу выказаць удзячнасць усім фермерам за тое, што нашыя сталы, нягледзячы на цяжкія абставіны, напоўнены хлебам, што польская ежа з’яўляецца выдатнай вітрынай эканамічных магчымасцяў нашай радзімы і пастаянна заваёўвае новыя рынкі збыту і што польская сельская гаспадарка становіцца ўсё больш эфектыўнай і сучаснай», – падкрэсліў Анджэй Дуда.
Прэзідэнт падкрэсліў, што польскія фермеры падтрымліваюць Украіну.
«Я хацеў бы падзякаваць усім сельскім гаспадарам усёй Польшчы за іх салідарнасць з Украінай і вялізную падтрымку, аказаную бежанцам у апошнія месяцы», – сказаў прэзідэнт.
Далей у лісце Анджэй Дуда падкрэсліў, што свята ўраджаю ў гэтым годзе праходзіць у асаблівы час, які ўплывае на становішча сельскіх гаспадарак.
«Адным з наступстваў вайны з'яўляецца эканамічны крызіс, які нарастае ў Еўропе і свеце, які таксама ўплывае на польскую сельскую гаспадарку. Вёска моцна пакутуе ад эканамічных цяжкасцей, звязаных з ростам сабекошту прадукцыі, асабліва кошту ўгнаенняў, кармоў і паліва, а таксама з абмежаваннем збыту», – падкрэсліў прэзідэнт.
У канцы ліста прэзідэнт выказаў надзею, што свята ўраджаю напоўніць людзей верай у лепшую будучыню.
IAR/яс