У панядзелак у Беластоку адбудзецца канцэрт у памяць аб мясцовым беларускім дзеячы Лукашу Стэпанюку.
3 кастрычніка беластоцкаму журналісту, дзеячу беларускай нацыянальнай меншасці ў Польшчы, гукарэжысёру і музыканту Лукашу Стэпанюку споўнілася б 45 гадоў. Ён раптоўна памёр сёлета.
Лукаш Стэпанюк вывучаў беларускую філалогію ў Варшаўскім універсітэце, у студэнцкія часы праходзіў моўна-журналісцкую практыку ў Беларускай службе Польскага радыё.
Мерапрыемства пройдзе ў Беластока ва ўстанове культуры «Nie teatr» (ul. Sienkiewicza 4). У вечары возьмуць удзел гурт Relikt і Аляксандр Памідораў, гурт Ilo&friends, пісьменнік Уладзімір Арлоў. Пачатак а 19:00.
вс