Генеральны сакратар кіроўнай партыі «Права і справядлівасць» (PiS) Кшыштаф Сабалеўскі заявіў, што еўрапейскія лідары сёння пагаджаюцца з прэзідэнтам Лехам Качыньскім, які шмат гадоў таму перасцерагаў ад адраджэння расійскага імперыялізму і заклікаў яго спыніць.
Палітык сказаў Польскаму радыё 24, што перад абліччам дзеянняў Масквы трэба ўмацоўваць сваё войска. «За нашай усходняй мяжой ідзе чарговая вайна, гэта сігнал для нас аб тым, што нам трэба ўмацоўваць межы і баяздольнасць».
Палітык нагадаў, што PiS умацоўвае польскае войска з 2015 года, у адрозненне ад папярэдняга ўрада. «Падчас панавання PO-PSL гэтая здольнасць была аслаблена, асабліва на ўсход ад Віслы, дзе было ліквідавана некалькі сотняў вайсковых частак, маючы на ўвазе сітуацыю з Грузіяй, Крымам, Чачэніяй і ведаючы, якая палітыка Расіі», — зазначыў Кшыштаф Сабалеўскі.
У гэтым годзе ўрад прызначыць 4 адсоткі ВУП на польскую армію. Сёння стан польскага войска больш чым на чвэрць вышэйшы, чым у 2015 годзе, а таксама ажыццяўляюцца пастаўкі новай ваеннай тэхнікі.
ПР/юл