Памежная служба затрымала трох грамадзян Іраку, якія спрабавалі трапіць у Беларусь з Польшчы. Спачатку праз пераход у Баброўніках (Падляшскае ваяводства), а калі гэта не ўдалося – двое асобаў спрабавалі патрапіць у Беларусь у абыход пункта пропуску.
Прэс-сакратар Падляшскага аддзелу памежнай службы маёр Катажына Здановіч паведаміла ў чацвер, што трое іракцаў, якія ехалі з Нямеччыны ў Беларусь на аўтамабілі, спачатку з'явіліся ў Баброўнікі для рэгістрацыі. Яны сказалі, што едуць туды з турыстычнымі мэтамі.
Аднак падчас праверкі высветлілася, што іх машына зарэгістраваная ў нямецкай арэнднай кампаніі і аформленая толькі на суткі, таму гэтая арганізацыя заявіла аб яе знікненні, што было зафіксавана ў базах дадзеных. Акрамя таго, кіроўца падчас праверкі выкарыстоўваў невыязны пашпарт, а ў аднаго з пасажыраў не было пры сабе ніякіх дакументаў, ён хацеў скарыстацца толькі фатаграфіяй пашпарта ў тэлефоне.
У гэтай сітуацыі Памежная служба правярала праз т.зв Польска-нямецкі кантактны пункт, які статус маюць трое іракцаў у Нямеччыне. Высветлілася, што ўсе яны звярнуліся з просьбай аб міжнароднай абароне ў гэтай краіне, але двум з іх было адмоўлена ў прытулку, іх збіраліся дэпартаваць у Ірак.
«Згодна з дзеючымі правіламі, у дадзенай сітуацыі абодвум пасажырам было прадпісана неадкладна пакінуць тэрыторыю Польшчы і выехаць у Германію, а кіроўцу і транспартны сродак затрымалі», – расказала Здановіч.
Праз некалькі гадзін двое іракцаў, якіх адпусцілі, былі затрыманыя пры спробе нелегальнага перасячэння мяжы з Польшчы ў Беларусь па-за пунктам пропуску. «Акалічнасці ўсяго здарэння і дадатковыя высновы сведчаць аб тым, што затрыманыя грамадзяне Ірака накіроўваліся ў Беларусь, каб працаваць у якасці памочнікаў у нелегальным перасячэнні польска-беларускай мяжы», – дадала прэс-сакратар.
Рашэннем суда іракцаў змясцілі ў ахоўны цэнтр для замежнікаў; яны будуць знаходзіцца там, пакуль іх не перададуць нямецкаму боку.
PAP / вх