Беларуская Служба

Жыхары Масквы працягваюць дэманстрацыі ў абарону свабодных выбараў

20.07.2019 14:01
Лідар апазіцыі Аляксей Навальны заклікаў прыхільнікаў на выбарах галасаваць супраць кандыдатаў ад кіроўнай партыі „Адзіная Расія”.
a
Масквa3dman_eu /pixabay.com/CC0 Public Domain

Лідары расійскай апазіцыі заклікалі прыхільнікаў арганізаваць дэманстрацыі ў абарону свабодных выбараў. Жыхары Масквы з нядзелі 14 ліпеня штодня выходзяць на вуліцы, патрабуючы ўдзелу апазіцыі ў мясцовых выбарах.

Нагадаем, выбарчыя камісіі ў расійскай сталіцы па розных прычынах адмовілі 57 кандыдатам ва ўдзеле ў выбарах. 8 верасня расейцы будуць выбіраць прадстаўнікоў муніцыпальных і абласных органаў улады.

Удзел у сённяшняй дэманстрацыі заявіў лідар апазіцыі Аляксей Навальны. Палітык заявіў, што чыноўнікі, адказныя за парушэнне выбарчага заканадаўства, павінны быць пакараныя. У той жа час ён заклікаў сваіх прыхільнікаў на выбарах галасаваць супраць кандыдатаў ад кіроўнай партыі „Адзіная Расія”.

Нагадаем, у першы дзень пратэстаў дэманстрантаў жорстка разагнала паліцыя. Паводле праваабаронцаў, функцыянеры без абгрунтавання выкарыстоўвалі сілу ў дачыненні да дэманстрантаў.

аз