Іранскі танкер, затрыманы ў Гібралтары, пакінуў прычал. Карабель быў затрыманы брытанскімі марскімі пяхотнікамі каля Гібралтару 4 ліпеня па падазрэнні ў намеры даставіць іранскую нафту ў Сірыю, што парушала б санкцыі ЕС, накладзеныя на Іран.
Танкер мусіў выйсці на волю ў чацвер, але ўлады Гібралтару атрымалі просьбу ЗША аб канфіскацыі і вырашылі расследаваць яго.
ЗША сцвярджаюць, што на танкеры перавозілі груз у Сірыю ад імя іранскага Корпуса ісламскай рэвалюцыйнай гвардыі, які Вашынгтон прызнаў тэрарыстычнай арганізацыяй.
Падчас прыпынку ў Гібралтары сцяг карабля быў зменены з Панамы на Іран, і танкер атрымаў новае імя Адрыян Дар'я-1.
яс