Учора расіяне абіралі прадстаўнікоў мясцовых і рэгіянальных уладаў. Паводле папярэдніх неафіцыйных вынікаў галасавання, у маскоўскім савеце з 45 мандатаў як мінімум 20 атрымалі кандыдаты, звязаныя з іншымі групамі, чым Адзіная Расія.
Радыё «Свабода» паведаміла, што трынаццаць месцаў атрымалі прадстаўнікі Камуністычнай партыі Расійскай Федэрацыі. Станцыя нагадала, што ў спісы групоўкі ўваходзілі людзі, якіх падтрымлівала антыпуцінская апазіцыя. Чатыры месцы атрымалі кандыдаты ад апазіцыйнай партыі «Яблака», а тры месцы – палітыкі, звязаныя з «Справядлівай Расіяй».
Расійскія незалежныя СМІ падкрэсліваюць, што ў кіроўнай партыі Адзіная Расія не было спісу ў Маскве. З-за нізкіх вынікаў перадвыбарных апытанняў людзі, звязаныя з Крамлём, балатаваліся як незалежныя кандыдаты.
Арганізацыя «Голас», якая праводзіць маніторынг выбарчых працэсаў у Расіі, перадала інфармацыю, што падчас галасавання ў нядзелю ў многіх рэгіёнах зафіксаваны выпадкі фальсіфікацыі вынікаў выбараў.
яс