У іх прынялі ўдзел аддзелы з 18 чалецкіх краін. У вучэннях сіл хуткага рэагавання НАТА на моры ўдзел прынялі 32 караблі, дзве падводныя лодкі і 18 самалётаў. На працягу 1,5 тыдня жаўнеры правяралі здольнасць рэагавання на выпадак, калі б на водах у рэгіёне адной з натаўскіх краін адбыўся б крызіс ці канфлікт.
Падчас манеўраў праводзіліся выпрабаванні спецыяльнага, беспілотнага транспарту, які можа апусціцца пад ваду і сканіраваць дно ў пошуках мін ці іншых выбуховых прыладаў. Машыны былі збудаваныя навукоўцамі са спецыялістычнага даследчага цэнтра, які дзейнічае пры НАТА.
- Гэта фантастычны інструмент з сучаснай электронікай, якой мы да гэтага часу не выкарыстоўвалі. Дзякуючы гэтаму людзі знаходзяцца здалёк ад пагрозы, а заданне выконваецца лепш, бяспечней і хутчэй, – гаворыць Саманта Дагелай з даследчага цэнтра НАТА.
Сілы хуткага рэагавання альянсу былі ўзмоцненыя пасля анексіі Крыму і выбуху канфлікту на ўсходзе Украіны. Гэтыя аддзелы вядуць на тэрыторыі Еўропы рэгулярныя вучэнні.
ав