Кіраўнік Канцылярыі прэзідэнта Польшча Кшыштаф Шчэрскі (Krzysztof Szczerski) знаходзіцца ў Нью-Ёрку. Візіт міністра звязаны з падвядзеннем двухгадовай прысутнасці Польшчы ў Савеце Бяспекі ААН.
Кшыштаф Шчэрскі прыняў удзел у паседжанні Савета Бяспекі, тэмай якога стала ацэнка аперацый ААН па падтрыманні міру. Ён таксама сустрэўся з генеральным сакратаром ААН Антоніу Гутэрышам.
Міністр падкрэсліў, што статус Польшчы, як непастаяннага члена Савета Бяспекі быў станоўча ацэнены міжнароднай супольнасцю і два гады прысутнасці Польшчы можна лічыць поспехам.
„Польшча ўспрымаецца ў ААН, як прапагандыст пашаны міжнароднага права. Гэта дзякуючы польскай ініцыятыве 22 жніўня быў устаноўлены Міжнародным днём памяці ахвяраў насілля па прычынах рэлігіі або веравызнання”, - нагадаў міністр Шчэрскі.
Міністр Шчэрскі паведаміў таксама, што 12 снежня ў Варшаве Польшча ўрачыста перадасць статус непастаяннага члена Савета Бяспекі ААН Эстоніі.
- Спадарыня прэзідэнт Эстоніі прыедзе ў Варшаву і прэзідэнт Анджэй Дуда афіцыйна перадасць ёй членства ў Савеце Бяспекі. Паколькі Эстонія, гэта блізкі партнёр Польшчы, мы звязваем з ёй вялікія надзеі.
Паводле міністра Шчэрскага, двухгадовая прысутнасць Польшчы ў Савеце Бяспекі ўмацавала пазіцыю краіны на міжнароднай арэне.
аз