Марыюш Блашчак з учорашняга дня знаходзіцца ў Ліване. Міністр нацыянальнай абароны Польшчы сёння прыняў удзел у святочнай сустрэчы з жаўнерамі Польскага ваеннага кантынгенту Часовых сілаў ААН у Ліване.
Марыюш Блашчак падкрэсліў, што польскія салдаты, якія служаць у Ліване, узмацняюць міжнародную пазіцыю Польшчы:
-Пасля дзесяцігадовага перапынку Польскае войска вярнулася ў Ліван, каб пад блакітным сцягам ААН дбаць аб міры, каб несці бяспеку жыхарам гэтая зямлі. Гэта ваша місія, яна будуе моцную пазіцыю Польшчы на міжнароднай арэне. Я дзякую вам за гэта!
Сёлета ў лістападзе ў Ліван прыбылі 200 польскіх жаўнераў, яны нясуць службу на мяжы з Ізраілем. Галоўнае заданне Польскага кантынгенту – гэта стабілізаваць напружаную рэгіянальную сітуацыю. Палякі разам з вугорцамі, ірландцамі ды мальтыйцамі патрулююць так званую «блакітную лінію» на мяжы паміж Ізраілем і Ліванам.
IAR/эж