Кіраўнік урада Злучанага каралеўства Борыс Джонсан сустрэўся з прэзідэнтам Расіі Уладзімірам Пуціным. Сустрэча адбылася на палях саміту ў Берліне, які прысвечаны сітуацыі ў Лівіі.
Гэта была першая асабістая сустрэча Уладзіміра Пуціна і Борыса Джонсана пасля таго, як апошні ў ліпені мінулага года ўступіў на пасаду прэм'ер-міністра Вялікабрытаніі.
У афіцыйным паведамленні англійскага боку гаворыцца, што ў размове з Уладзімірам Пуціным брытанскі прэмʼер «ясна даў зразумець, што пазіцыя Вялікабрытаніі ў дачыненні да Солсбэры не змянілася – гэта было безадказнае выкарыстанне хімічнай зброі і абуральная спроба забойства нявінных людзей на брытанскай зямлі».
«Прэмʼер-міністр заявіў, што нармалізацыі нашых двухбаковых адносін не будзе, пакуль Расія не спыніць свае дэстабілізуючыя дзеянні, якія пагражаюць Вялікабрытаніі ды нашым хаўруснікам, якія падрываюць бяспеку нашых грамадзянаў і нашу калектыўную бяспеку», – паведаміла прэс-служба прэм’ера Вялікабрытаніі Борыса Джонсана.
PR24/эж