Танкер з 80 тыс. тон амерыканскай нафты гатунку Bakken для Беларусі прыбыў у Клайпеду. 17 траўня ён выйшаў з порта Бомант у штаце Тэхас. У Беларусь з Клайпеды сыравіну даставяць чыгункай на НПЗ «Нафтан», паведамляе «Еўрарадыё».
Па словах трэйдараў, закупка Беларуссю нафты гатунку Bakken і дастаўка яе праз Клайпеду наўрад ці стане рэгулярнай. Паводле іх, Беларусь купіла гэты прадукт па вельмі добрай цане.
Нафта была набытая неўзабаве пасля таго, як яна таргавалася ў мінусе, але кошты на рынках у Еўропе з тых часоў аднавіліся, што робіць закупкі марскіх нафтавых грузаў менш прывабнымі для Беларусі, паведамляе The New York Times.
Аб пастаўках нафты з ЗША ў Беларусь гаварыў міністр замежных спраў Уладзімір Макей. Гэта частка новай стратэгіі па дыверсіфікацыі крыніц, якая пачалася пасля праблем з пастаўкамі нафты з Расіі.
вс
здымак мае ілюстрацыйны характар