Ужо трэці раз у Літве быў абвешчаны конкурс пад загалоўкам „Адпачынак у Польшчы”. У яго рамках літоўцы могуць дасылаць здымкі, зробленыя падчас вакацыяў у Польшчы. У мінулых гадах на конкурс былі дасланыя некалькі соцень фотаздымкаў.
Арганізатарам з'яўляюцца Польскі інстытут у Вільні і Польская турыстычная арганізацыя. Конкурс праводзіцца ў сацыяльных сетках, а ўсе фотаздымкі будуць апублікаваныя восенню, кажа Анджэй Кіруліс з Польскага інстытута ў Вільні.
- Кожны, хто жыве ў Літве, можа прыняць удзел у конкурсе. У гэтым годзе з-за пандэмічнай пагрозы можна таксама даслаць фатаграфіі з папярэдніх паездак у Польшчу.
Гаворка ідзе пра папулярызацыю Польшчы сярод літоўцаў.
Фотаздымкі будзе ацэньваць журы, у склад якога ўвойдуць прафесійныя фатографы. Галоўны прыз - паездка ў Гданьск. У мінулым годзе перамог здымак, зроблены каля галоўнай плошчы ў Кракаве.
аз