Літва вырашыла заблакаваць трансляцыю на сваёй тэрыторыі пяці пракрамлёўскіх тэлеканалаў RT, раней вядомых як Russia Today. Падобнае рашэнне прыняла таксама суседняя Латвія.
Літоўская камісія па радыё і тэлебачанні прыняла рашэнне прыпыніць вяшчанне сеткі каналаў RT з-за таго, што іх уладальнікам з'яўляецца ахоплены санкцыямі ЕС Дзмітрый Кіселёў. Рашэнне літоўскіх уладаў уступае ў сілу сёння.
Падобнае рашэнне на мінулым тыдні прыняла суседняя Латвія. Латышы паяснілі, што пракрамлёўскія тэлеканалы ў сваіх перадачах сістэматычна паказваюць іх краіну ў адмоўным святле. Тамтэйшы Савет па электронных сродках масавай інфармацыі таксама аб’яцаў паведаміць аб сваім рашэнні іншым краінам-членам ЕС, каб абмежаваць распаўсюджванне прарасейскай прапаганды на Старым кантыненце.
Нагадваем, RT вяшчае на некалькіх мовах, у тым ліку англійскай, іспанскай і арабскай.
аз