Значная колькасць доз вакцын ад каранавіруса ўжо зарэзерваваная багатымі краінамі. Пры гэтым колькасць здзелак будзе расці, паведамляе Bloomberg.
CША, Вялікабрытанія, Японія і краіны Еўрасаюза дамовіліся аб закупцы 1,3 млрд доз вакцыны ад каранавіруса, якая яшчэ не існуе і над стварэннем якой вядуцца працы.
ЗША і Вялікабрытанія падпісалі пагадненне з канцэрнамі Sanofi і GlaxoSmithKline, а Японія – з фірмай Pfizer. Еўрасаюз таксама падпісаў кантракт, хоць назва фармацэўтычнага канцэрну не паведамляецца.
Эксперты зазначаюць, што бяднейшыя краіны атрымаюць прышчэпку ў другой чарговасці, паколькі спачатку вакцына трапіць у багатыя краіны, якія яе зарэзервавалі.
Падкрэсліваецца, што Еўракамісія дамовілася з фармацэўтычнай кампаніяй аб куплі патэнцыйнай вакцыны для ўсіх членскіх краін ЕС.
вс