Расiйская авіякампанія «Аэрафлот» адмяніла рэйсы ў больш чым 80 гарадоў свету, паведамляе агенцтва РИА Новости. З-за закрытых межаў Варшаву таксама выключылі са спіса рэйсаў.
Паводле расійскіх СМІ, «Аэрафлот» спадзяваўся адкрыць паветраную прастору ў жніўні і наладзіць двухбаковую сувязь, у тым ліку і з Варшавай.
Тым часам, да 31 жніўня не будуць ажыццяўляцца міжнародныя рэйсы ў больш за 80 гарадоў свету. Як стала вядома Польскаму радыё, расейскія ўлады вядуць перамовы па гэтым пытанні з Польшчай, Чэхіяй, Францыяй, Германіяй і некалькімі дзясяткамі іншых краін. У чэрвені Польшча ўжо была ў расійскім спісе так званых прыярытэтных кірункаў.
Урад Расіі паведаміў, што пры адкрыцці межаў ён будзе кіравацца прынцыпам узаемнасці.
аз