Прэзідэнт Чэхіі Мілаш Зэман звярнуся да кіраўніка контрвыведкі перадаць імёны расійскіх агентаў, якія дзейнічаюць у краіне, паведаміла грамадскае Чэшскае радыё.
Радыёстанцыя спасылаецца на тры высока пастаўленыя крыніцы інфармацыі. Паводле якіх, Мілаш Зэман запатрабаваў у спецслужбаў інфармацыі пра прозвішчы расійскіх агентаў і аб праводжаных імі ў Чэхіі аперацыях.
Прэзідэнт таксама хоча ведаць, якой інфармацыяй абменьваюцца службы абедзвюх краін. Ён таксама чакае падрабязнасцей пра нібыта адмыванне ў Чэхіі грошай расійскіх злачынных арганізацый.
Канцылярыя прэзідэнта Чэхіі не каментуе згаданых паведамленняў. Эксперты, якіх цытуе грамадскае Чэшскае радыё, у тым ліку былы кіраўнік чэшскай контрвыведкі, сцвярджаюць, што просьба прэзідэнта нестандартная, а ейнае выкананне паставіць пад пагрозу аперацыі, якія праводзяцца чэшскімі службамі.
Мілаш Зэман даўно крытыкуе працу контрвыведкі ў Чэхіі.
аз