Навальны правёў ноч у аддзяленні паліцыі горада Хімкі. Паплечнікі апазіцыйнага палітыка Аляксея Навальнага толькі да раніцы 18 студзеня высветлілі, куды яго павезлі з аэрапорта «Шарамеццева», дзе прызямліўся яго самалёт з Берліна напярэдадні.
Пасля затрымання вечарам 17 студзеня Навальнага павезлі ў аддзяленне паліцыі па горадзе Хімкі.
Там палітык правёў ноч. Адваката да яго не пусцілі, патлумачыўшы гэта тым, што мужчына спіць.
Навальны прыляцеў у Расію 17 студзеня пасля лячэння ў берлінскай клініцы «Шарытэ» і курсу рэабілітацыі.
Федэральная служба выканання пакаранняў у канцы снежня падала хадайніцтва ў суд аб змяненні Аляксею Навальнаму ўмоўнага пакарання на рэальнае, бо мужчына своечасова не прыйшоў адзначыцца да інспектара. Яго таксама аб'явілі ў вышук.
вс