Больш за палову ўкраінцаў не збіраюцца рабіць прышчэпкі супраць каранавіруса. Пра гэта сведчаць вынікі даследаванняў, праведзеных украінскай сацыялагічнай групай Reiting. У тых, хто хоча зрабіць прышчэпку, пакуль такой магчымасці наогул няма, паколькі вакцыны супраць COVID-19 на ўкраінскім рынку яшчэ няма.
Паводле апытання, 52% украінцаў не хочуць рабіць прышчэпкі, нават калі вакцына будзе бясплатнай. 43% украінскага грамадства хацелі б зрабіць прышчэпку супраць каранавіруса.
Больш за ўсё праціўнікаў вакцынацыі сярод людзей, якім 30-49 гадоў, але таксама сярод жанчын і жыхароў невялікіх гарадоў. Украінскія ўлады абяцаюць, што вакцынацыя пачнецца ў лютым, але пакуль пра падрабязнасці не кажуць.
Першыя партыі вакцыны павінны паступіць ва Украіну ў рамках праграмы COVAX Сусветнай арганізацыі аховы здароўя не раней за канец сакавіка.
аз