У нядзелю раніцай у Партугаліі пачаліся прэзідэнцкія выбары. Галасаванне арганізавана з асаблівымі санітарнымі патрабаваннямі ў сувязі з эпідэміяй каранавірусу. Грамадзяне маюць абавязак на ўчастку карыстацца ўласнай ручкай, мець ахоўную маску і захоўваць сацыяльную дыстанцыю.
У суботу ў Партугаліі зафіксавана рэкордная колькасць смерцяў, інфекцый і шпіталізаваных пацыентаў з-за Covid-19. Памерлі 274 чалавекі, а больш за 15,3 тысячы былі заражаныя.
Нягледзячы на высокую дынаміку смерцяў і захворванняў, улады Партугаліі не прынялі рашэнне аб пераносе прэзідэнцкіх выбараў. Аднак галасаванне, як паказваюць перадвыбарныя сацапытанні, можа мець рэкордна нізкую яўку - ніжэй за 35%.
Паводле апошніх апытанняў, кіраўнік дзяржавы Марсела Рэбела дэ Соуза з'яўляецца фаварытам на выбарах. Палітык з права цэнтрысцкай Сацыял-дэмакратычнай партыі (PSD) можа разлічваць на больш чым 60% падтрымкі. Гэта азначае, што 72-гадовы прэзідэнт падоўжыць свой мандат у першым туры выбараў.
юл