Ратавальнікі вынеслі на паверхню 11 шахцёраў, якія былі заблакаваныя пад зямлёй з 10 студзеня ў выніку выбуху ў шахце па здабычы золата ў кітайскай правінцыі Шантунг.
Яшчэ 10 шахцёраў па-ранейшаму лічацца зніклымі без вестак, а адзін загінуў.
Да нядаўняга часу мясцовыя чыноўнікі лічылі, што шахцёрам давядзецца чакаць выратавання яшчэ 15 дзён, бо праход быў перакрыты масіўнай перашкодай.
У нядзелю раніцай перашкода "раптоўна ўпала на дно шахты", што дазволіла паскорыць выратавальную акцыю, паведаміла дзяржаўная газета Global Times.
На момант выбуху на шахце Хушан каля горада Яньтай у Шантунге на глыбіні каля 600 метраў працавалі 22 чалавекі. 10 з іх да гэтага часу лічацца зніклымі.
ПР/юл