Падчас цырымоніі ўзгадвалася таксама, што 11 гадоў таму ў Смаленскай вобласці загінула 96 прадстаўнікоў вышэйшых польскіх улад, якія накіроўваліся ў Катынь, каб ушанаваць памяць суайчыннікаў, расстраляных вясной 1940 года савецкімі катамі.
У Катыні паводле загаду Іосіфа Сталіна ў брацкіх магілах былі пахаваныя 4421 польскі афіцэр. Сёння на іх магілах гараць знічы ды ляжаць кветкі.
Гук звону памяці ды сумесная малітва прадстаўнікоў пасольства Польшчы і польскай супольнасці ў Расіі ўзгадалі трагедыю 81-гадовай даўніны. Удзельнікі цырымоніі таксама ўшанавалі памяць ахвяр сталінскіх чыстак, магілы якіх знаходзяцца ў Катынскім лесе, побач з польскімі Вайсковымі могілкамі.
Раней польская дэлегацыя ўсклала кветкі і запаліла свечкі на месцы авіякатастрофы 10 красавіка 2010 г., у якой загінуў прэзідэнт Лех Качыньскі і 95 чалавек, якія яго суправаджалі.
ПР/юл