У афіцыйных беларускіх СМІ праводзіцца арганізаваная кампанія дэзынфармацыі супраць польскай меншасці. Прыклады сабралі эксперты з дыпламатычнага корпуса ЕС. Як даведалася грамадскае Польская радыё, паводле высноваў экспертаў, напады ў СМІ на прадстаўнікоў польскай меншасці пачаліся за некалькі дзён да арышту вядучых актывістаў Саюза палякаў Беларусі.
Беларускія дзяржаўныя СМІ паведамляюць, між іншым, пра тое, што прадстаўнікі польскай меншасці праслаўляюць нацызм і распальваюць нацыянальную варожасць у краіне. Прапагандысты Аляксандра Лукашэнкі таксама абвінавачваюць польскія ўлады ў спробе дзяржаўнага перавароту ў Беларусі, імкненні да змены мяжы, падтрымцы тэрарыстаў і экстрэмістаў у Беларусі.
Паводле экспертаў з дыпламатычнага корпуса ЕС, усе беларускія дзяржаўныя СМІ паўтараюць ілжывыя тэзісы пра ўслаўленне Раймунда Райса „Бурага”, які ў 1946 годзе пацыфікаваў беларускія вёскі на Падляшшы. Дзяржаўнае тэлебачанне АНТ паказвае палякаў, як ворагаў, якія выкарыстоўваюць беларускую моладзь „у якасці бомбаў”, каб „падарваць іх” на беларускай тэрыторыі.
аз