Радыё «Эхо Москвы» звярнула ўвагу на тое, што ў адпаведнасці з міжнароднымі канвенцыямі дыпламаты абаронены імунітэтам, ім можа быць толькі загадана пакінуць краіну, у якой яны выконваюць сваю місію.
Паводле агенцтва ТАСС, генеральны консул Украіны Аляксандр Сасонюк быў затрыманы ў Санкт-Пецярбургу. ФСБ абвінаваціла дыпламата ў атрыманні канфідэнцыйнай інфармацыі з баз дадзеных праваахоўных органаў і службаў бяспекі. Украінскі дыпламат быў арыштаваны пасля таго, як нібыта сустрэўся з грамадзянінам Расіі, які павінен быў даць яму канфідэнцыйную інфармацыю.
Раней Міністэрства замежных спраў Расіі прыняло рашэнне аб высылцы пяці польскіх і дзесяці амерыканскіх дыпламатаў. Да гэтага часу ўлады ў Варшаве і Вашынгтоне не атрымлівалі ніякіх заўваг па гэтым пытанні. Паводле інфармацыі Польскага радыё, паслы Польшчы і ЗША не атрымлівалі адпаведных нот, якія змяшчаюць падрабязнасці рашэнняў расійскіх улад, прынятых у дачыненні да дыпламатаў абедзвюх краін.
ав