Нядаўна Дэпартамент паліцыі Нью-Ёрка (NYPD) атрымаў новага «супрацоўніка» – сабаку-робата, якога назвалі Digidog. Гэта выклікала вялікую цікавасць з боку жыхароў, але таксама стала крыніцай спрэчкі і крытычных меркаванняў палітыкаў.
Відэа арышту на Манхэтэне з удзелам сабакі-робата, размешчанае ў Інтэрнэце, набрала 8 мільёнаў праглядаў. Дзякуючы робату ўдалося затрымаць зламыснікаў, якія ўзялі ў закладнікі двух мужчын.
Робат быў выраблены кампаніяй Boston Dynamics, ён каштаваў 74 000 долараў, важыць каля 35 кг і можа бачыць ноччу.
Некаторыя мяркуюць, што робат выглядае «жудасна». Шмат хто задаецца пытаннем, ці такая прылада наогул патрэбная, – пішуць СМІ.
Па словах прадстаўнікоў паліцыі, дзякуючы робату можна ацаніць, наколькі бяспечна для супрацоўнікаў далучыцца да акцыі супраць злачынцаў. Амерыканская паліцыя выкарыстоўвае робаты з 1970-х гадоў.
«Гэтая мадэль робата правяраецца, каб ацаніць яго магчымасцяў у параўнанні з іншымі, якія выкарыстоўваюцца нашым падраздзяленнем па надзвычайных сітуацыях і сапёрамі», – патлумачыла кіраўніцтва ньюёрскай паліцыі.
ПАД/нг