Члены «Блізкаўсходняга квартэта» (Квартэт па блізкаўсходнім урэгуляванні) - ЗША, Расія, Еўрапейскі саюз і Арганізацыя Аб'яднаных Нацый - выказалі занепакоенасць апошнімі жорсткімі сутыкненнямі паміж палестынцамі і ізраільскай паліцыяй у Іерусаліме. Цягам двух апошніх дзён у выніку сутыкненняў там было паранена больш за 250 чалавек.
У апублікаванай заяве адзначаецца, што Квартэт глыбока занепакоены бягучымі сутычкамі і хваляваннямі ва ўсходнім Іерусаліме, асабліва сутыкненнямі паміж палестынцамі і ізраільскімі сіламі бяспекі каля мячэці Аль-Акса.
«Прадстаўнікі Квартэта з глыбокай занепакоенасцю адзначаюць магчымае перасяленне палестынскіх сем'яў з дамоў, дзе яны жывуць пакаленнямі. Мы заклікаем улады Ізраіля ўстрымацца ад крокаў, якія могуць пагоршыць агульную сітуацыю», - гаворыцца ў заяве.
У апошні час напружанасць у Іерусаліме і на акупаваных тэрыторыях узрасла, у прыватнасці, у выніку запланаванага ізраільскімі ўладамі наступнага перасялення палестынскіх жыхароў Іерусаліма. Палестынцы таксама пратэстуюць супраць абмежавання доступу да Старога горада падчас Рамадана.
«Блізкаўсходні квартэт» - гэта група, створаная ў Мадрыдзе ў 2002 годзе. Ейныя члены працуюць на міжнародным узроўні з мэтай мірнага ўрэгулявання канфлікту на Блізкім Усходзе.
аз