X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Еўрапарламент прыняў рэзалюцыю па Беларусі

10.06.2021 19:16
Еўрадэпутаты рашуча асуджаюць «захоп самалёта Ryanair» як акт «дзяржаўнага тэрарызму» і заклікаюць да неадкладнага і безумоўнага вызвалення палітычных зняволеных у Беларусі.
ЕўрапарламентPAP/EPA/JULIEN WARNAND / POOL

У чацвер Еўрапарламент заклікаў ЕС пакараць тых, хто мае дачыненне да прымусовага прызямлення самалёта Ryanair у Мінску і затрымання беларускага журналіста Рамана Пратасевіча.

У рэзалюцыі, прынятай у чацвер (626 галасоў «за», 16 «супраць» і 36 «устрымаліся»), еўрадэпутаты рашуча асуджаюць «захоп самалёта Ryanair» як акт «дзяржаўнага тэрарызму» і заклікаюць да неадкладнага і безумоўнага вызвалення Пратасевіча і яго партнёркі Сафія Сапегі, а таксама ўсіх астатніх палітычных зняволеных у Беларусі.

Рэзалюцыя заклікае ЕС як мага хутчэй увесці санкцыі супраць асоб і суб'ектаў у Беларусі, якія ўдзельнічалі ў прымусовай пасадцы і выкраданні людзей.
На думку Еўрапарламента, краінам ЕС неабходна тэрмінова ўвесці чарговы пакет санкцый супраць тых, хто ўдзельнічаў у леташніх фальсіфікацыях выбараў і парушэннях правоў чалавека ў Беларусі.

«У санкцыйны спіс павінны ўвайсці пракуроры, суддзі і супрацоўнікі праваахоўных органаў, якія адыгрываюць ролю ў рэпрэсіях, а таксама асобы, якія займаюцца дэзынфармацыяй, сродкамі масавай інфармацыі, прапагандай і падтрымкай рэжыму, такія як Марат Маркаў, які браў інтэрвʼю ў Рамана Пратасевіча 2 чэрвеня на дзяржаўным тэлеканале АНТ», – кажа Еўрапарламент.

Акрамя таго, еўрадэпутаты заклікаюць прыняць хуткія эканамічныя меры, накіраваныя на ключавыя галіны прамысловасці Беларусі, у прыватнасці на нафту і нафтапрадукты, калій, сталь і дрэваапрацоўку. «Абсалютна неабходна адмовіць рэжыму ў фінансавай падтрымцы, адмовіць банкам у новых крэдытных лініях і прыпыніць інвестыцыі ў інфраструктуру альбо эканамічныя прадпрыемствы. Еўрапейскім фінансавым інстытутам трэба перашкаджаць набываць аблігацыі і ўсе іншыя фінансавыя інструменты, выпушчаныя беларускім урадам і звязаныя з імі дзяржаўныя ўстановы», – звяртае ўвагу ЕП.

Рэзалюцыя таксама прадугледжвае прыпыненне ўдзелу Беларусі ў міжнародных спартыўных арганізацыях і мерапрыемствах, у тым ліку на чэмпіянатах Еўропы і свету і Алімпійскіх гульнях у Токіа. Еўрадэпутаты таксама заклікаюць Еўрапейскую федэрацыю футбола (UEFA) адклікаць правы на вяшчанне Беларускага дзяржаўнага тэлебачання турніраў EURO-2020 і бясплатна перадаць іх незалежнаму тэлеканалу «Белсат».

У тэксце таксама асуджаюцца рэпрэсіі і варожыя дзеянні ўладаў у дачыненні да прадстаўнікоў польскай меншасці і супраць польскай сістэмы адукацыі ў Беларусі, а таксама заклікаецца да безумоўнага вызвалення Анжалікі Борыс, Анджэя Пачобута і іншых палітвязняў.

ав